القاهرة – مصطفى المصري:
خيم الحزن على الإعلامي المصري شريف عامر، في ظهوره الأول على الهواء في برنامج “يحدث في مصر” على فضائية “إم بي سي مصر” بعد وفاة والده.
وقال شريف عامر عن حزنه بوفاة والده الكاتب الصحفي منير عامر وقال: “كنت متصور إني هبدأ بداية مختلفة، لكن لمع الخاطر في دماغي حالا على الهواء إننا لازم نشتغل والحياة لازم تستمر، وأرجو إن الواحد يبقى عارف يستمر في شغله بالشكل الذي تتوقعونه وتتصورونه”.
وأكد شريف عامر أن هذه الحلقة تذكره بأول أيام تدريبه على الظهور أمام الشاشات والكاميرات قائلا: “وإحنا بنتدرب على يد أستاذ كبير، اتقالنا كلمة مهمة جدا عمري ما هنساها، لو أبوك أو أمك ماتوا ومبلغتناش اعتبر أبوك مماتش وتطلع على الهوا بشكل طبيعى، واليوم ده بيتكرر دلوقتي والدي مات وأنا مستمر زي ما أنا في الهوا وكأن شيئا لم يكن”.
وفقد شريف عامر السيطرة على نفسه وبدأ بالبكاء مضيفا “الأصعب بعد الهواء بالنسبة لي، أن والدي كان رجلا قلوقا جدا، لو عندك 18 أو 50 عاما يطلب أقول له أنا فين في اللحظة دي، لو تتر البرنامج شغال ووالدي ووالدتي بيتفرجوا عليا ومتصلتش بيه بعد ما خرجت يقلب الدنيا.. النهاردة لن تتم هذه المكالمة، لكن أتمنى يكون راضيا وربنا يرحم الجميع”.
وتوفي الإعلامي منير عامر والد الإعلامي شريف عامر يوم 25 يوليو/تموز الماضي.
