مؤسسة براند AMÍCAL “ندى أحمد”: AMÍCAL هي local brand ب material استانلس ستيل ١٠٠% ومطلية دهب عيار ١٨
القاهرة – مى عبده:
ترتدي السيّدات الإكسسوارات لإبراز أسلوبها الخاص، ولإظهار شخصيّتها، فلكل سيدة ذوق ورونق خاص بها لارتداء الاكسسوارات الخاصة بها، حيث تعد الاكسسوارات والمجوهرات واحدة من أهم الكماليات التي تلجأ إليها الكثير من الفتيات والسيدات لإضافة مظهر جمالي ومتألق لإطلالتهن، سواء كانت اكسسوارات شعر أو حلقان أو عقد أو خواتم أو انسيالات، كل هذا وأكثر يمكن أن يدخل تحت بند ملحقات أو إكسسوارات المرأة، فتنسيقها مع ملابسها لا يأخذ الوقت والجهد إلا إذا كان بخصوص لون فقط.
لذلك أجرينا ذلك الحوار مع الشابة الطموحة ندى أحمد خيري التي مازالت طالبة جامعية لا يتعدي عمرها ال 21 عام، التي تسعى لتحقيق حلمها الذي يراودها منذ الطفولة، التي قامت بإنشاء البراند الخاص بها.
في بداية حوارنا عرفينا عليكي
ندى أحمد خيري طالبة جامعية ابلغ من العمر 20 عام.
ما معنى كلمة AMICA’L وبأي لغة ولماذا اختارتي هذا الإسم؟
كلمة اصلها Français معناها “ودي” الاسم اصله من المحبة والمودة ودا اللي بيحصل بالفعل فالبراند بتاعتيكل حاجة بشتغل عليها بإتقان شديد وبتعب فيها مقابل ال quality بتاعتها وال material تكون ممتازة.
على الرغم من صغر سنك، قمتى بعمل مشروع خاص بكِ، كيف جاءت إليكِ تلك الفكرة؟
AMÌCAL كان حلمي مش مجرد project بحلم اني اعمل البراند دا من وانا عندي 13 سنة الفكرة جاتلي اني بحب ال accessories جدا وليا زوق معين فيها ولكن كنت اشتري necklaces مثلا وبعد مدة قليلة جدا تغير لون او تصدي ف كان نفسي ال piece اللي اشترتها وعجباني تفضل بنفس اللون واللمعة ولكن للأسف مكنتش بلاقي دا لحد يوم ٢ فبراير قررت أن الفكرة تنتقل من مجرد فكرة الي project علي ارض الواقع بدأت ادور علي الطريقة اللي ابدأ بيها وتكون ال quality ممتازة بسعر مناسب للعملاء في ظل غلاء الاسعار.
ما هي المنتجات التي تقومي بعرضها؟
AMÍCAL هي local brand ال material بتاعتنا استانلس ستيل ١٠٠% ومطلية دهب عيار ١٨ مش بتغير لون او بتصدي اي بنت تقدر تلبس ال accessories بتاعتنا فأي وقت حتي لو اتعرضت للماء او اي نوع من العطور مش هتتأثر ابدا.
ما هي اكثر المنتجات مبيعاً؟
اكتر منتج مبيعا هي سلسلة ضهر الحية وال bracelets بشكل عام.
كيف تتم عملية الشراء، اونلاين ام اوفلاين؟
اونلاين فقط.
ما هي إيجابيات العمل اونلاين في مجال accessories ؟
الإيجابيات فالشغل الاونلاين انها بتزيد إنتاجية التفكير بتديني مساحة اني افكر اكتر ازاي اطور من نفسي وما شبه ذلك بتديني مساحة اني اخلص شغل اكتر واهندل كل حاجة بهدوء كمان بقدر اختار مكان مريح بالنسبالي للشغل وبتسهل علي العملاء انهم يقدروا يشوفوا المنتجات دي فأي وقت وفأي مكان مش مقيدين فقط عشان يشتروا piece انهم يروحوا ال store نفسه.
من وجهة نظرك ما هي السلبيات أيضاً ؟
السلبيات ان في بعض العملاء بيتهربوا من الاستلام ودا بيعود علي مندوب الشحن بالسلب فالإرهاق والمسافة اللي قطعها بدون ادني فائدة كمان ضغط الرد علي كل العملاء فأسرع وقت ممكن
ما هو طموحك الذي تسعي اليه؟
طموحي ان AMICÀL يتعرف اكتر واكتر ويظهر للناس وان فنانين يلبسوا accessories من عندي ويكون عندي مكان مخصص للشغل اصمم فيه وفالمستقبل يبقي AMICÀL يبقي ليه عدة فروع ويكبر اكتر.
كم تتراوح اسعار منتجاتك؟
المنتجات سعرها بيتحدد علي اساس الشغل فيها و التفاصيل ولكن average من ٨٠ ل ٥٠٠.
ما المقولة التي تؤمني بها؟
مقولة ل George Bernard shaw بيقول : The more you know, the more you live(كلما علمت اكثر عشت اكثر).
في نهاية حوارنا ما الذي تودي أن تختتمي به حوارنا؟
بشكر حضرتك علي الحوار اللطيف دا وسعيدة بمعرفة حضرتك وحابة اشكر والدي لأنه اكتر حد بيشجعني وبيساعدني وبيsupport me ومصدق اللي بعمله فالفضل ل ربنا أولاً ثم دعم والدي ووجوده معايا.
