القاهرة – مى عبده:
إن الإكسسوارات تعد جزءًا لا يتجزأ من ملابسنا، سواء كانت القلائد والأساور والحلقان، أو الأوشحة والشالات والحقائب، فهي تعكس ذوقنا وشخصيتنا وتساعد في تحقيق التوازن والانسجام بين مختلف العناصر في إطلالتنا.
لذلك أجرينا هذا الحوار الصحفي مع طالب كاد أن يشق طريقه في الكفاح من أجل كسب المال الحلال بعرفه وكده، طالب جامعي يجمع بين التعليم والعمل في آن واحد، قام بتأسيس مشروعه الخاص به الذي يسمى “Nada store” الذي يقوم بعرض كل انواع الإكسسوارات التي تناسب النساء.
في بداية حوارنا عرفنا عليك.
شريف اشرف، طالب بكلية الحقوق جامعه عين شمس عندي ٢١ سنه.
حدثنا عن بداية Nada store وكيف جائت اليكي تلك الفكرة؟
فكره الصفحه جائت لي من وانا ف تالته ثانوي كنت بدور وبشوف صفحات منزله منتجات تانيه من حريمي لرجالي لحد ما جت فكره اني اعمل صفحه خاصه بي واكون انا المسؤل عنها لحد ما عملتها وبدات ف كذا مجال ف اول شهرين لحد ما لقيت الاكسسوارات أن هي احسن وافضل حاجه اشتغل فيها.
ما هي المنتجات التي تقوم Nada store بعرضها؟
المنتجات التي أقوم بعرضها هي اكسسوارات من غوايش وسلاسل وحلقان وخواتم ودبل واطقم كامله وكل ما يخص اكسسوارات النساء من جميع الأعمار.
ما الذي يميز “Nada store”عن غيره من accessories stores؟
الذي بيميز Nada Store انها شغلها كله استانلس مطلي بمياء الذهب عيار ١٨ وضد تغير اللون نهائي. بالإضافة إلى سرعه التواصل وارسال الاوردر للعميل ولو في اي مشكله في اي حاجه بيتم التعامل معاها بشكل اسرع.
ما هي الصعوبات التي واجهتك؟
واجهني مشاكل كتير معظمها يتمثل في غلق الصفحات الخاصه بعرض منتجاتي، حوالي ١٠ صفحات ومكنتش عارف السبب ايه ومن ضمنهم اول صفحه ليا بعد شغل سنتين عليها وكان فيها فلورز كتير وشغل كتير، اتقفلت وكل الي عليها راح وقعدت اعمل صفحات وانزل شغل تقعد فتره وتتقفل تاني بس كملت واستمريت لحد ما المشكله اتصلحت وانتهت ب Nada Store والى الآن مستمره معي.
ما هو أكثر منتج طلباً؟
في الحقيقة وجد منتجات كثيرة تعد الأكثر طلباً، زي الغوايش من ضمن المنتجات الي بتطلب كتير والسلاسل والعروض الي بتنزل علي معظم الشغل بيطلب كتير بس اكترهم الغوايش الفتره الحاليه لان دي الي شغال عليها بقوه شويه.
هل يوجد مكان مخصص لتلك المنتجات ام اونلاين فقط؟
اونلاين فقط.
لكل عمل وجهان، عرفنا الإيجابيات و السلبيات للعمل الاونلاين في مجال الاكسسوارات؟
من السلبيات التي تواجه اي عمل اونلاين هو خوف العملاء من جودة المنتجات، فبعض العملاء بتخاف من الاونلاين بسبب سوء المنتج والخوف من وجود مشكله ف المنتج لأن بعض الصفحات الاونلاين بتقوم بالتجاهل.
لكن عندي لا مفيش كده وبيتم لو في اي شكوى او مشكله بيتم التعامل معها في اسرع وقت ومشكله المقاسات كمان الي بيطلب مقاس وقلقان منو او مقاس غلط فبقول للعميل طريقه بيعرف بيها المقاس بتاعو بالظبط من غير اي غلط فين والحمد لله الي بيجرب مني منتج مره بيرجع يشكرني عليه وبيطلب مره تانيه وتلاته وده بعد ما خلاص حصل على الثقه ف المنتج ومن الي بيتعامل معاه ودي اهم حاجه.
ما هو طموحك في تلك المجال؟
الطموح كبير جدا ف المجال وهو أن يكون لدي عدد اكبر من الفلورز على الصفحه ومن خلالها افتح مكان يكون خاص بيا وبمنتجاتي كلها.كم تتراوح اسعار منتجاتك؟
الاسعار بتتراوح من ١٠٠ج لحد ٦٥٠ج وفي حاجات اعلي ف السعر زي الاطقم الكامله بيبقا فيها حلق وكوليه وخاتم وانسيال او اسوره ودي بتتراوح من ٧٥٠ج لحد ١٠٠٠ج وفي عروض طبعا الي منتجات كتير وفيها تخفيض في السعر بشكل كويس ودي اكتر حاجه بردو شغاله معايه العروض الي بتتم علي الصفحه.
ما المقولة التي تؤمن بها في عملك؟
مفيش حاجه محدده بس الخير والرزق بيد الله سبحانه وتعالى وشكر العميل ليا بعد ما يشوف المنتج وبيدخل يكلمني عنه من ضمن الحاجات الي بتفرحني جدا.
في نهاية حوارنا ما الذي تودي أن تختتمي به حوارنا
احب اختم واقول ان من كل ما سعي في شيء وتمسك بيه وحاول على تحقيقه ربنا بيرزقه من وسع أكثر مما يتخيل مقداره عامل ازاي.
واتمنى انشاء الله أن أكبر في تلك المجال ويبقى اونلاين واوفلاين في مكان كويس وانشاء الله، والقادم خير بإذن الله.
https://www.facebook.com/profile.php?id=61550694044364&mibextid=LQQJ4d
