القاهرة – مى عبده:
نخاع العظم هو مادة هلامية بيضاء اللون تشبه الزبدة، وتوجد في عظام الأبقار، والماعز، والأغنام، وهي من أكثر العناصر المفيدة للجسم؛ حيث تحتوي على نسبة عالية من البروتينات التي تغذي الشعر.
لنخاع العظم العديد من الفوائد للشعر، والتي من أبرزها: يساعد في إنبات الشعر، ولا سيما في المناطق التي يكون فيها الشعر غير قويٍ؛ مما يقي من الصلع، يزيد من نعومة الشعر، ويحافظ عليه من مشاكل التشابك والتجعد. يمنح الشعر لمعاناً، وصحة، وقوة. يعيد للشعر الحيوية والنضارة. يمنع تساقط الشعر. يعمل على زيادة طول الشعر، ويمنع تقصفه.
لذلك أجرينا هذا الحوار الصحفي مع مؤسسة البراند المصري الدكتورة رشا مؤسسة براند نيفارت نوفا لمنتجات العناية بالشعر والجسم التي تتكون من مواد طبيعية 100%، براند مصري أثبت جدارته على أرض الواقع، يقوم باستخدام النخاع لعلاج كل مشاكل الشعر ونتائجه السحرية أساس نجاح البراند.
نيفارت نوفا حل لكل مشاكل الشعر بأسرع وقت وأقل تكلفة وأكثر فاعلية براند يحقق المعادلة الصعبة من أجل توفير أفضل المنتجات بأفضل جودة وأفضل الأسعار، براند ذاع صيته على مواقع التواصل الاجتماعي لفاعليته القوية.
في بداية حوارنا عرفينا عليكي.
د. رشا عمار مؤسسة براند نيفارت نوفا التابعة لـ مؤسسة السلام للأستيراد و التصدير و انا اللي بَدير البراند بالكامل.
عرفينا على بداية ونشأة براند نيفارت نوفا.
بداية البراند كانت من سبع سنوات ابتديتها لما كنت بستخدم النخاع عمومًا بالطريقه التقليديه اللي اتعودنا عليها من الأجداد و انا كنت بعاني من مشاكل في الشعر كأي امرأة وبعد النتيجه اللي شوفتها عليا و على اسرتي بعد التجربه جاتلي وقتها فكرة ان ليه معملش منتج يسعد الناس ويحل مشاكل شعرهم ويفرحوا زي ما انا فرحت ؟ لأني مؤمنه ان الشعر تاج المرأة و قد ايه الموضوع ده بيضايق جدًا ، فـ ابتديت بمنتج النخاع طب ليه مقولتش على انه كويس و انهم يعملوه بالطريقه التقليديه العاديه ؟ لأني مكانش ينفع اعمل حاجه مجهوله و منغير علم ف بحثت كتير و بعدها ابتديت اخد كورسات كيماويه عشان اعرف اكتر عن صناعة المنتجات و مضرش حد لأني حابه انه يبقى امن على الأطفال و الكبار و انه ازاي اعمل منتج طبيعي مفيهوش اي مواد كيميائية و اقدر اعرف اعمل منتج فعلا يجيب نتيجه و فيه مصداقيه.
نيفارت نوفا اسم فرعوني، كيف جائت اليكي تلك التسمية ؟
في الحقيقة اسم نيفارت نوفا هو اقتراح من زوجي و اللقب ينتمي للملكه نيفارتاري اله الجمال ، و هكذا احنا كنا محتاجين اسم مشتق من الجمال.
ما هي المنتجات التي تقومي بعرضها ؟
احنا عندنا في البراند ٦ منتجات و هما عباره عن ماسك النخاع و كريم تصفيف الشعر و قشطة الملكات و Liquid highlighter و ده بيكون للجسم و امن كذلك على الوجه،و قريبا سيضاف للقائمه سيروم نيفارت نوفا للشعر وكذلك زيت نيفارت نوفا و مخماريه ولكن في الوقت الحالي هما في مرحله التجربه اللي بتكون ٣ شهور عشان نقدر نتأكد انهم آمنين و كذلك مفعولهم ونتائجهم.
هل كل المنتجات من مواد طبيعية ؟
طبعًا اكيد طبيعية ده مش مجرد كلام زي ما قولتلك انه احنا بنسعى بقدر الإمكان ان الخامات كلها تكون طبيعيه عشان تكون آمنه على الأطفال و النتيجه بتاعتها كمان تكون كويسه و كل المنتجات بيدخل فيها زيوت طبيعية و فيتامينات و خاليه من مادة الفورمالين ،و احنا كذلك بنحاول نجدد كل فتره من المنتجات و نعَدِل فيها للأحسن عشان تجيب نتيجه افضل للعميل و متضروش بأي شكل.
ما هو أكثر منتج طلباً لديكي ؟
ماسك النخاع هو الأكثر طلبا عندنا مسمينهُ كمان الحصان الأسود عندنا لأنه فعلا جبار معظم العملاء بيختاروا انهم يجربوه في الأول و من اول مره بيشوف الفرق فـ بننال ثقتهُ.
ما الذي يميز براند نفرت نوفا عن غيره؟
احنا بنحرص على متابعه العميل حتى لو في مشكله بنحتويها و بنحاول ارضائه بقدر الأمكان و هكون صريحه مفيش براند مفيهاش شكوى لأن مش كل العملاء زي بعض و في اللي معندوش صبر رغم ان معالجة الشعر محتاجه الصبر ده بس الحمدلله العملاء بيحبوا فريق خدمه العملاء عندنا كل الشكر لمجهوداتهم ولباقتهم بيقدروا يطمنوا العميل ويبقوا معاه خطوه بخطوه ، و كذلك ان المنتجات فعلا طبيعيه و مناسبه لجميع الأعمار و بسعر مناسب جدًا و للرجال والنساء و الأطفال وكذلك بنكلم العميل ونعرف المشكله منه و بنديله المناسب والأساسي لمشكلته مش بنبيع وخلاص و ده بحرص اني اقوله لفريق العمل اللي بيتواصل مع العملاء ،وكذلك احنا بنحرص على الصدق مع العميل كمثال الصلع الوراثي ليس له علاج لدينا.
كم تتراوح اسعار المنتجات لديكم ؟
من 200 ج الى 500 ليس اقل و ليس اكثر و مصاريف الشحن بتكون مجاني.
ما هو سر نجاح نفرت نوفا؟
الصدق مع الله عز وجل ثم المصداقية مع العميل ،لأني فعلا بتقي ربنا في كل منتج بينزل و بحرص على ان المنتج يكون نتيجته مضمونه وفي متناول الجميع لأني عارفه ان في فئه بيبقى صعب عليها انها تجيب المنتج ده وبتجيبه ف انا مقدرش اخذل حد وثق فينا .
ما هي المقولة التي تؤمني بها في مجال عملك؟
من غشنا فـ ليس منا.
ما هو طموحك في تلك المجال ؟
ان نيفارت نوفا توصل للعالميه وتكون موجوده في كل مكان مش بس مصر و بإذن الله هيحصل.
في نهاية حوارنا ما الذي تودي أن تختتمي به حديثنا ؟
اول شئ احب اشكرك جدًا و انا سعيده باللقاء ده معاكي و بشكر وكالة الإعلام العربية الإماراتية على الفرصه السعيده دي و اخيرًا احب اقول ان مش معنى اننا مرينا بتجربه سيئه او منتج سئ يبقى كل حاجه وحشه بل بالعكس المهم اننا ناخد حذرنا ونختار بِـ دقه ، و السلام عليكم ورحمه الله وبركاته.
