القاهرة – مصطفى المصري:
تستعد الإعلامية المصرية بسمة وهبة لإجراء عملية جراحية جديدة.
ونشرت الإعلامية بسمة وهبة مقطع فيديو لها من داخل المستشفى أثناء التحضير للخضوع لعملية جراحية، وعلقت عليه برسالة مطولة، مؤكدة أن وراء كل صورة سعيدة أوقاتاً تعيسة ومؤلمة، وطلبت من الحاسدين أن يتركوها لحالها.
وأرفقت بسمة وهبة الفيديو بتعليق قائلة: “واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لي آه مانتي مشغولة صحيح كل يوم في بلد وبتتفسحي، فعاوزه أقولها هي واللي زيها، إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفي عملية وفي البنج وحزينة”.
وأضافت: “لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك إنت واللي زيك ربنا ما يحكم عليكي يا بنتي باللي في الواحد، واحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا وبلاش حسد، أنا صاحبتي وفاء ماتت من الحسد”.
كانت بسمة وهبة تعرضت لأزمة صحية عنيفة بنهاية العام 2021، عندما تم نقلها إلى المستشفى بصورة طارئة عقب تعرضها للإغماء أثناء البث المباشر لبرنامجها ” 90 دقيقة”.
