القاهرة – مى عبده:
تعد فتيات العصر الحالي أكثر قوة وأكثر ثقافة، فالفتاة أصبحت تدعم نصف المجتمع بأكمله، فكل فتاة تتعلم وتكافح وتعمل مثلها مثل أي شاب مصري، بل تحمل على عاتقها أيضاً مسئوليات الأم والأخت والأبنة.
حديثنا اليوم عن فتاة قامت بتأسيس براند خاص بها في مجال مستحضرات التجميل والجدير بالذكر أنها تقوم بإعداد تلك المنتجات بنفسها وبخامات طبيعية، تشق طريقها بنفسها وتسعى لتحقيق حلمها التي طالت تتمناه وهو أن يكون لديها براند عالمي في مجال مستحضرات التجميل.
في بداية حوارنا دعينا نتعرف عليكي.
ندي سيد، مؤسست براند nody glossy للكوزماتكس.
عرفينا على بداية وتاريخ نشأة براند Nada Glossy.
بداية براند Nada Glossy كان من شهر 7 عام 2023، ويعد تلك تاريخ انشاء البراند ونقطة انطلاقتى.
ما هي جودة المنتجات التي تقومي بعرضها؟
الحمدلله الجوده عاليه جدا شبيه الاوريجنال وخامات طبيعيه 100%.
كم تتراوح اسعار منتجاتك؟
اسعار المنتجات تبدأ من 25ج إلى 100ج لان كان كل هدفي الاسعار تكون في متناول كل فتاة لتستطيع شراء كل المنتجات وتقدر تفرح نفسها بيها وفي نفس الوقت تكون منتجات آمنه علي بشرتها وطبيعيه.
ما هو أكثر منتج طلباً ؟
طبعا ليب جلوس nody glossy لان ده اساس البراند وبعدها اسبلاش نودي.
ما الذي يميز براند Nada Glossy عن غيره؟
اللي بيميز البراند الاسعار و المنتجات طبيعيه 100%.
ما هو طموحك في تلك المجال؟
طموحي ان البراند يكبر ويتعرف ويتشهر ويوجد في جميع الأماكن الخاصة بالكوزماتكس ويبقى ليه اسم ف مصر وجميع الدول العربيه.
لكل عمل وجهان، ما هي مميزات وعيوب العمل في مجال الكوزماتكس؟
هتكلم عن العيوب الاول من العيوب التعب والمجهود الي بنحضر بيه لان طبعا مفيش امكانيات تسهل علينا التصنيع زي المصانع الكبيره علشان كدا اسعارنا بتبقا اغلي وده ف بنات مش بتقدر ده وبيبصو للمبلغ بس وانه قد اي كبير لكن مش بيبصو احنا تعبنا ازاي وان شغل الهاند ميد متعب جدا حقيقي .
والمميزات ان بعد مجهودي الشغل بيطلع علي اكمل وجهه وبيعجب كل البنات وان احلي لحظه اول ما يجي ريفيوز حلوه علي منتجاتي وانها حلوه جدا وده طبعا بيهون مجهود وتعب الشغل كله.
ما هي المقولة التي تؤمني بها في مجال عملك؟
مقولتي الشهيره .. اسعي كتير كتير وربنا بيعوض اضعاف سعيك.
في نهاية حوارنا ما الذي تودي أن تختتمي به حديثنا ؟
احب أن اشكر أهلي وزوجي على وقفتهم معايا وفي ضهري لأنهم هم السبب في وصولي لتلك النجاح الباهر.
ثانياً أحب أن أوجه رسالة الى كل بنت بتشتغل أحب أن أقول لها انتي فخر لنفسك وخليكي ثابته علي مبدائك كلام الناس مش بيفيد وخليكي علي يقين ان ربنا كريم جدااا وبيعوض جداااا.
وأحب أن أشكرك علي الحوار الصحفي الجميل ده انا سعيده بتلك الحوار جداً.
https://www.facebook.com/groups/472770922899761/?ref=share_group_link
