القاهرة – كارول كارم:
في هدوء يشبه طبيعته، يتحدث المرشح الشاب الصحفي شادي عبد السلام عن رحلته نحو الترشح لمجلس النواب، مؤمنًا بأن العمل العام ليس وجاهة، ولا مقعدًا يبحث عنه، بل مسؤولية كبيرة واحتياج حقيقي للناس لصوت يسمعهم بضمير.
يبدأ كلامه ببساطة:
«إن لم تعرفني… فأكرمني بحسن ظنك. والله المستعان».
■ لماذا قررت الترشح؟
يقول شادي: «اشتغلت في الصحافة سنين طويلة، وكنت بشوف مشاكل الناس عن قرب. وكنت دايمًا أحاول أوصل صوتهم للمسؤولين. لكن حسيت إن اللي أقدر أعمله أكبر من مجرد نقل شكوى.
حبيت أكون جزء من الحل، مش مجرد شاهد عليه».ويضيف بصراحة: «أنا داخل الانتخابات مش علشان شكل أو لقب.. داخل علشان ناس بتعاني وبتدوّر على حد يسمعها ويقف جنبها».
■ ما الذي يميزك كمرشح؟
يبتسم ويجيب: «معنديش غير ضميري.. دا اللي بشتغل بيه من يوم ما بقيت صحفي. ولو ربنا كتب لي أبقى نائب، هيكون بنفس الضمير وبنفس الحماس. الخدمة مش محتاجة مكتب ومراسم.. محتاجة قلب صاحي وإيد ممدودة».
■ برنامجك.. ماذا ستفعل لأهالي الزيتون والأميرية؟
▪ تحسين الطرق وحياة الناس اليومية
تمهيد الطرق وتزويدها بالإنارة الكافية.
أرصفة نظيفة وآمنة لكبار السن والأطفال.
بدائل محترمة للباعة الجائلين بدلًا من إزالتهم بدون حلول.
تشجير الشوارع بأشجار مثمرة وجميلة تعيش مع الناس.
تطوير شبكات المياه والصرف في المناطق اللي اتأخرت عنها الخدمة.
▪ دعم الناس البسيطة بحلول فعلية
إنشاء صندوق يساعد اليتيمات في تجهيز الزواج، ودعم الأرامل والمرأة المعيلة.
مساعدة الطلاب غير القادرين في استكمال تعليمهم.
مشروعات حقيقية على الأراضي المتاحة بالدائرة، يشتغل فيها أولادها قبل أي حد.
دعم الأسر المنتجة في بيوتها، ومساعدتها في بيع منتجاتها وتوصيلها للزبائن.
تعهد واضح وصريح
يقول بثقة: «لو ربنا كتب لي النجاح، هعمل كشف شهري قدامكم—في المساجد والكنائس—يوضّح كل طلب اتقدم، وإيه اللي اتنفذ. أنا مش هاشتغل في السر.. كل حاجة هتبقى قدام الناس».
كيف يتواصل الناس معك؟
«بابي مفتوح للجميع»
لهذه الجملة يختصر شادي طريقته في التواصل.
«رقمي على الواتساب 01096888649. أي حد عنده شكوى، اقتراح، مشكلة.. أكلمه فورًا. وهنشر الشكاوى في الصحف والمواقع لحد ما نحلّها».وفي النهاية يقول جملة يرددها دائمًا:«اطلبوا الحاجات بعزة نفس.. فإن بيد الله قضاؤها».
