القاهرة – مى عبده:
“Lamia’s” براند مصري خاص بمنتجات عدة للعناية بالبشرة والشعر والجسم، قامت بتأسيسه سيدة مصرية طموحة وبالفعل حققت حلمها وأصبح البراند الخاص بها له شعبية خاصة وذاع صيته على جميع مواقع التواصل الإجتماعي.
تلك السيدة هي الأستاذة لمياء ماهر التي جمعت بين الشغف والعلم وفضلت النتائج العلمية عن النتائج العملية، ومع كل النجاح الباهر التي قامت بتحقيقه فهي لن يهدأ لها بال إلى أن أصل بالبراند الخاص بها إلى العالمية.
في بداية حوارنا عرفينا عليكي.
أنا لمياء ماهر من البحيرة عندي خبرة في مجال الكوزماتكس ٧ سنوات وكنت بشتغل في شركة كوزماتكس سويدي واخدت خبرة كويسة مع العملاء وتفاصيل المنتجات، واتعودت على الجودة العالية في الاسكين كير، بعد كدا درست مجال التصنيع ولكن بشكل علمي قبل العملي علشان اقدر احدد مشاكل البشرة والشعر وأصنع لها المناسب ونحقق أقصى استفادة من المنتج.مع مراعاة إني بوفر أعلى كواليتي ونسب بأسعار في متناول الناس.
عرفينا على بداية وتاريخ نشأة براند lamia’s .
بداية Lamia’s كانت السنة اللي فاتت إحنا لسه بقالنا شهور في السوق ولكن بفضل الله محققين نتائج ورفيوهات عالية وانتشار كويس بسبب جودة المنتج ونتائجه الواضحة.
هل يوجد عنوان محدد للاستور ام اونلاين فقط ؟
إحنا اون لاين لحد دلوقتي وبنسعى لتوفير مكان بإذن الله.
حدثينا عن بعض المنتجات التي تقومي بعرضها.
عندي منتجات كتيرة للشعر والبشرة والجسم سيرومات لعلاج مشاكل البشرة ، زيوت طبيعية وخفيفة لعلاج مشاكل الشعر بدون ما تسد المسام،معطرات للجسم زي البادي سبلاش والبادي باتر والبادي سكرب لإزالة الجلد الميت مرطبات للشفاة لعلاج الجفاف والتشقق، في تنوع الحمد لله.
ما هو أكثر منتج طلباً؟
أكتر المنتجات طلب هو سيروم للبشرة Glowy System بسبب نتائجه السريعة والملحوظة في نضارة البشرة وعلاج المسام وتوحيد لون البشرة – وال Golden oil اللي أبهر الناس بعلاج التساقط وانبات الشعر.
كم تتراوح اسعار المنتجات لديكم؟
أسعار المنتج من ٥٥ جنيه وأغلى منتج ٢٦٠ جنيه.
ما هو طموحك في تلك المجال.
طموحي يكون لي شركة متفرع منها كذا فرع وأهم أهدافها نشر الوعي بين الناس مش مجرد علاقة بيع وشراء فقط.
ما هي المقولة التي تؤمني بها في عملك ؟
المقولة اللي دايما بحبها ( الكاذب يبيع يوم والصادق يبيع كل يوم)
علشان بحب المصداقية
Work Hard in Silence,
let Success make a noise.
ما الذي يميز براند lamia’s عن غيره؟
اللي بيميز البراند عن غيره إني خبرتي في الماركتيج+ الكوزماتكس قدرت اوظفها كويس في إني اخدم العميل من حيث الفئة السعرية والنتيجة وكمان الباكيدجينج + بخلاف أن عندنا خدمة ما بعد البيع العميل يقدر يشتكي أو يتابع النتائج معانا باستمرار عن طريق الاستشارة المجانية.
هل كل المنتجات طبيعية 100%؟
المنتجات طبيعية بنسبة ٩٥٪ واغلب المنتجات مكوناتها طبيعية تماماً حتى المواد الحافظة من افضل المواد الأمنة جداً وفي منتجات بدون مواد حافظة نهائي.
حدثينا عن كيفية استخدام املاح الجسم والقدم.
املاح الجسم والقدم سهلة جداً زي املاح الباديكير ولكنها مفيدة لأنها بتسحب آثار الإرهاق من الحسم والعناصر السلبية وتمده بالعناصر اللي نحتاجها زي الماغنسيوم والكالسيوم وخلافه
